腦友記廣場 -> 天南地北 -> 網兄... 覺得點? 登錄 -> 註冊 -> 回復主題 -> 發表主題

樂樂(●-●) 2008-03-01 20:36
早幾日見到馬記有得買, 索價3舊水, 覺得點?

http://www.buddhall.com/BookList/Book.aspx?BookID=458

maninnet 2008-03-05 18:17
隨手一占, 容易解釋, 準確度又高, 的確迎合市場需求, 但預測世事又豈會如此的簡單?

如果準, 又何須出書? 不如去賭場預測大細? 股票期指升跌?

佛曰五蘊皆空, 又何須占卜?

樂樂(●-●) 2008-03-07 07:29
網兄.... 王氏其實也不是沒有實力的
至少他懂得幾門不同的....

http://www.kankanwoo.com/masterjournal/journals.asp

樂樂(●-●) 2008-03-07 07:32
出完post 先知原來 link唔到, 鎖你, 唯有原文 c & p

王亭之做過一次演講,略談中國的占卜術,有人便約王亭之寫一本洋文書,介紹由古至今的各種占卜法。這本書寫成,相信每年的版稅應該相當可觀,不過王亭之卻實在無法寫成這本書。原因很簡單,不便於翻譯。

以《六壬》為例,「發三傳」、「起四課」,用中文的干支,簡單明瞭,但如果譯成洋文,相信連王亭之自己都會睇到眼花。

以《易林》的占法為例,六十四卦每卦各有六十四變,如今譯成洋文,讀者能夠明白才怪,除非他是專業研究人士。

甚至以《梅花易數》為例,要一般讀者從數字分別「先天」、「後天」,王亭之相信亦不容易,他們很容易會出錯。

所以王亭之覺得,每種術數實在有他的民族文化背景,一離開背景,就不容易瞭解。有一次,有人說要用印度的「九層星盤」來交換王亭之的「紫微斗數」,王亭之揭一揭那些資料,便覺得自己永世無法精通「九層星盤」之術,因為自己完全不熟悉婆羅門文化。

亦正由於這樣,日本人跟韓國人學中國的術數,亦決不可能精通。王亭之碰到一個享盛譽韓國斗數大師,交談之下,便知他其實並未得訣;亦認識一位日本的玄空風水學家,他自稱得到唐代的古法,則無非是「排龍訣」而已,可是由於他不瞭解唐代的文化背景,因此在解釋上便有錯漏。

所以,其實很須要將中國古代術數,用現代的語言與觀點重新整理,寫成一些書本,出版一套叢書,除了傳「術」之外,還要指出古人的說法,是基於什麼文化背景。有了這套書,至少可以將千多年的術數來一個總結,方便後人繼續研究。王亭之近年老態畢呈,不堪負此重責,因此只能有此期望。

王亭之在大西洋城觀光,偶然靈機一觸,用「梅花易數」占老虎機,自己中了一百番餅,為同行的于峰老婆選一機,亦中一百番餅,因此偶中,便起研究之心。當時占卜的靈感,乃根據老虎機的「即撲」原理而來。原則上,老虎機必須儲夠一定銀碼,然後才會出「即撲」,所以據此原理,便可以用「梅花易數」占之矣,只須占此機的「貧富」,若卦象顯示其富有,那即是說,此機己經殺到盤滿砵滿,理應開「即撲」矣,故據此便可選機。

後來遊拉斯維加斯,再用「梅花易數」占,則同行者皆中「即撲」,少者一百,多者一千,及至深夜,王亭之自選一機,卦象甚吉,果然打中較大獎金,領獎且須報稅焉。

由前後占算紀錄,王亭之認為,此老虎機死物,一定鬥不過「梅花易數」。美國的老虎機,有政府管理,控制一定賠率,故未知其賠率若干,如果賠率低,那便是殺多賠少之格,用「梅花易數」去占,很容易占出架架機都窮,那便等於混吉。或疑曰:「機器死物,何以亦能占?」則不知機器雖死,但較定賠率若干,則屬人事所為,因此所占實人事而非死物也。

不過若持此術在賭城搵食,亦甚困難,中一百番餅「即撲」,可謂無用,除了本錢,得啖笑而已。揀大「即撲」,則往往占算幾十部機,都揀不到一部,揀中矣,此機又可能有人在玩,是亦白費氣力。

因此中「即撲」始終要講財運,王亭之偶然遊戲,只是試驗性質而已,若要浪費餘年,長期孵在賭城打「即撲」,雖兩餐雖有把握,到底浪費年華也,花不來之至。

maninnet 2008-03-07 09:35
當我年輕時, 到賭場玩老虎機, 當時, 我不懂什麼占卜, 只是留心觀察, 看那一台老虎機有人餵飽, 才選那一台. 亦有人看在賭大小, 連出若干舖大, 就買小, 相信好多人都抱呢個心態.

看看賭場一間一間的開, 每年搵大錢, 呢類所謂經驗, 有時靈, 有時不靈, 靈就記住, 不靈就算.

政府是控制賠率, 所謂賠率, 即出現的機會率, 是隨機分佈, 無話出了一次, 不會連續再出. 每次均為獨立計算, 這是統計學中最基本的機率計算, 枉大師自翎將統計納入斗數中.

樂樂(●-●) 2008-03-08 03:58
我去玩百家樂, 都係先留意睇下邊張枱連莊或連閒, 有就玩幾手, 亦即係你所講, 有時靈有時唔靈, 無話100% work, 但咁反而合情合理

王氏呢篇文章其實容易間接給予一個錯誤訊息: 術數可包山包海, 小至計算枕頭幾時被毀 (梅易), 大至邊部機出即撲, 都可大派用場....

maninnet 2008-03-08 09:22
80 年代曾有傳言, 斗數連你屋企搬過床頭櫃都算到. 但無實際例子可供參考.
當時在森記執了一本10蚊的袋裝書, 叫天遣邊緣. 似乎係中洲派弟子作品.

樂樂(●-●) 2008-03-08 09:55
已經事隔多年矣.... 差不多20 ~ 22年光景

當時楊氏話X星 + Y星 (其實仲記得乜星物星的, 因為當時鍾意背書.... 不過唔太sure, 費事怪錯人)如果落在流月的田宅宮, 主換燈; 破軍祿守命既女人, 多有整容傾向等等

王氏其後在專欄 (後結集成書) 作解畫之餘, 仲加幾錢肉緊.... 謂此徵驗屬小兒科, 還直接道出X星 + Y星 + 流月忌星 + 紅鸞落Z宮, 主月事來潮添, 不過A州派最勁並唔係徵驗, 精華乃係XX六百韻.... (後刪數百字, 因為我曾用過一段時間去實踐, 發覺係搵笨)

當時看得津津有味, 現在回想起來只覺光怪陸離

maninnet 2008-03-08 11:06
光怪陸離的書, 才可以看得津津有味.
但所有光怪陸離的書, 只可作小說看, 無任何得益.

第一本令我得益不淺的書, 是現代紫微第二集. 一路追落去, 才從斗數開運全集的蛛絲螞跡中總結初步推算方法.

樂樂(●-●) 2008-03-08 20:11
約87年時, 因一本叫XX姓名學 (屋企人買, 作者可能唔嚮度) , 引起我對術數既興趣, 之後偶然經過當年灣仔森記 (藝美書局旁), 找到一本叫乜乜居士既翻版台灣斗數書, 索價15銀, 呢一本後來先知就係開運全集, 當時對斗數全無認識, 亦因為咁, 覺得本書似教科書多D, 對術數著墨不多, 好快就束之高閣, 後來就開始接觸楊氏, 文其名, 最後到王氏....

誰知到最後, 卻因為網兄的緣故, 重新再翻閱早已冷落一旁的了X, 慧X..... 方發覺撓了一個大彎, 走左好多冤枉路, 不過都有好處既, 至少知道點樣可以利用術數賺錢之餘, 還贏得所謂大師之美譽.... 仲可以移埋民添....

最近又有個人出斗數書, 就係幾個月同你提過既王氏弟子, 葉某, 你宜家去 uwants , 會見到好多人討論佢果本所謂新書.... 薄薄的一本書雖然索價百幾銀, 但依然有人對佢讚不絕口.... 抵與否, 見仁見智, 無意見, 不過葉某背着王氏弟子之名, 已經引起一眾 fans 的注意, 如果加多幾錢肉緊, 配合傳媒炒作, 又或者睇下有無一D 巨星不幸.... 黑仔... 又被佢撞中的話.... 又一位大師誕生了

不過, 是否.... 有所保留矣

maninnet 2008-03-09 10:58
去 uwants 睇過下, 問命居多, 問得求其, 答又答得求其, 可能水準所限. 批命D人比以前 newsgroup 水準差很遠.

過往, 我在 newsgroup 或之前的討論版, 解答命例, 都會比較詳盡, 及儘可能將分析過程列出, 想拋磚引玉, 想看其他人如何判斷, 但是, 引來不是玉, 可能是一些無謂的門派之爭, 現在不想在 post 了.

自從略窺斗數堂奧之後, 無乜斗數書值得期待. 或者, 有時間, 整理一下斗數心得, 發表一下.

pl123 2008-03-09 13:15
Actually I like 王亭之 talks about Chinese / Cantonese cultures more than his works in 斗數.

http://www.cantoneseculture.org/page_Headline/index.aspx

I remember 王亭之 wrote some analysis in bullion trading in the name of 談錫永 (that's in last century). Don't know if he made a fortune by using 梅花易數.

cantonese 2008-03-10 19:44
QUOTE:
引用第11樓pl1232008-03-09 13:15發表的「」:
Actually I like 王亭之 talks about Chinese / Cantonese cultures more than his works in 斗數.

http://www.cantoneseculture.org/page_Headline/index.aspx

I remember 王亭之 wrote some analysis in bullion trading in the name of 談錫永 (that's in last century). Don't know if he made a fortune by using 梅花易數.


你 quote 的這個 site 頗好睇,枉我自詡中文修養算有翻咁上o下,卻竟然盲目地跟了o個班友仔其中一個讀音,viz 發航 (行) 我將佢改為讀了作 發琖 .. ha ha .. 好唔自在也,以後可以安樂地讀翻做 發航 lu~ .. 正~!

樂樂(●-●) 2008-03-12 04:33
關於王氏同潘氏 (其實亦算係其弟子) 談論有關廣東話正音問題, 好耐以前討論過, 當時我幾贊成佢所講, 因為果位博士搞出黎果套的確大有問題, 好似姓任, 變左淫, 真係大劑, 可以睇番D POST

十幾年前, 曾經有一次嚮王氏以前灣仔個寫字樓, 同潘氏有一過一面之緣, 吹左一陣水, 當年佢邊寫金學專欄, 邊寫有關文字, 術數既野, 觀點, 分析方法幾乎跟足王氏, 佢亦係理科出生, 同王氏應該會幾ARM 傾

maninnet 2008-03-19 22:56
以前, 聽電台, 話要正音, 報刊讀成報康, 時間讀成時姦有點礙耳. 但郤容許胳膊讀成絡膊(正確是甲膊), 骨骼讀成骨格(正確應是骨絡) 等就有點令人費解.
加上現時太多鄉音, 陰謀讀成陰毛, 固然令人開懷大笑, 自己讀成忌己, 卻聽見不少. 什麼是正音, 已經好難講/聽得明白.


查看完整版本: [-- 網兄... 覺得點? --] [-- top --]


Powered by PHPWind v4.0.1 Code © 2003-05 PHPWind
Gzip enabled

You can contact us